Börn & unglingar - Fótbolti - 7. flokkur kv

Um flokk:

Þessi hópur er fyrir 7.flokk kvenna (árgerð 2017-2018). Aðalþjálfari flokksins er Rafn Haraldur Rafnsson

Markmið:

Markmið flokksins eru fjórþætt:

1) Það fyrsta er að iðkendur læri góð gildi. Dæmi um slíkt er virðing gagnvart samherjum, mótherjum, dómara og þjálfurum og umhverfinu sjálfu, tiltektarkúltúr, stundvísi og háttvísi.

2) Númer tvö er að hafa gaman af fótbolta.Flokkurinn leggur mikla áherslu á leikjaform á æfingum og að allar fái verkefni við hæfi. Auk þessa að sinnum við félagslega þætinum vel með ýmis konar viðburðum svo sem sundferð, jólastund, páskaæfingu, vinaæfingu, heimsóknum á æfingar, foreldraæfingum, tengslum við meistaraflokk og fleiru.

3) Það þriðja er að búa til Valsara. Lögð er áhersla á að starfið innan Vals veiti jákvæða upplifun fyrir iðkendur og að Valur eigi raunverulegan stað í hjarta iðkenda. Að þeim finnist þeir tilheyra. Tengsl við aðra flokka, virðing fyrir klúbbnum og að iðkendum líði vel á Hlíðarenda eru liður í því.

4) Fjórða markmiðið er fótboltalegs eðlis en það snýst um að verða betri í fótbolta. Með markvissum æfingum þar sem allar æfingaáherslur fá sess munu iðkendur auka færni sína í fótbolta. Flokkurinn er með skýr markmið um hæfni sem iðkendur eiga að búa yfir þegar þeir færast upp í næsta flokk fyrir ofan. Leikjaformið spilar stóra rullu þar sem að að mót gefa iðkendum tækifæri til að upplifa fótbolta í leikformi. Við leggjum enga áherslu á úrslit en alla áherslu á að iðkendur upplifii faglega og jákvæða reynslu af keppnisleiknum.

Hverjar eru æfingaáherslur:

Leikfræði: Það sem allir iðkendur sem klára 7.flokk munu hafa lært eftir veru sína þar er þekking á reglum leiksins, uppstillingum liðs, þekkja völlinn sjálfan og hvað allar línur þýða auk þess að skilja grunnfótboltatungumál.

Grunntækni: Í grunntækniþættinum er lögð áhersla á að vera mikið með boltann við tærnar. Knattrak er grunnþáttur í þjálfun en einnig er lögð mikil áhersla á að spila á litlu svæði t.d. ein gegn einni eða tvær gegn tveimur. Leikmenn eru mikið með boltann og sjaldan óvirkir þátttakendur. Skot og sendingar og móttökur eru svo líka stór þáttur í grunntækni.

Félagslegt: Félagslegi þátturinn hefur þrennskonar markmið. 1) að læra siði og venjur, 2) Að búa til ákjósanlega hópdýnamík, 3) Að hafa gaman - sem er það mikilvægasta á þessum aldri.

Líkamleg þjálfun: Hún felur í sér styrktaræfingar, liðleikaæfingar, þolþjálfun og tækniþjálfun. Öll líkamleg þjálfun fer fram í gegnum leiki og er markmið flokksins að gera iðkendum kleift að hoppa hærra, hlaupa hraðar og endast lengur - en fyrst og fremst að búa til jákvæða mynd af líkamsþjálfun.

Hugarfar: Hefur sérstakan stað í þjálfuninni og er gjarnan fléttað inn í æfingar, eða önnur verkefni sem hópurinn tekst á við. Meginþætti hugarfarsþjálfunar eru mótlæti, einbeiting, seigla og jákvæðni sem er svo unnið með enn frekar yfir tímabilið.