Birta frétt

Danski miðjumaðurinn Nicolaj Kohlert hefur skrifað undir tveggja ára samning við knattspyrnudeild Vals.

Nicolaj er 23 ára og hefur m.a. verið á mála hjá enska stórliðinu Liverpool, þá með varaliðinu. Þaðan fór hann til Rangers áður en hann gerði samning við Silkeborg í Danmörku. Síðast lék Nicolaj í Færeyjum á láni.
Nicolaj hefur spilað með U-16,17,18 og 19 ára landsliðum Dana.

Valur.is náði tali af Nicolaj í tilefni af félagaskiptunum:
"Það er virkilega spennandi að koma til Vals. Þetta virkar mjög flott félag með mikla sögu og hefð. Ég kom hingað nýlega í yfir helgi og ræddi við fólk í félaginu og lýst mjög vel á allt hérna.
Ég get spilað aftarlega á vellinum eða á miðri miðjunni, stundum kallaður "box-to-box" spilari. Ég vil vera mikið í boltanum, byggja upp sóknir og dreifa boltanum til liðsfélaga minna.

Íslenskur fótbolti er á mikilli uppleið og fær mikla athygli í dag, mikið til þökk sé EM á síðasta ári. Íslenskir knattspyrnumenn hafa bætt sig mikið og það er mikið tempó í Íslenska boltanum, ég hlakka til að koma."